பரக்கத் அலி பக்கம்

சட்டசபை தேர்தல் மற்றும் பாராளுமன்ற தேர்தலில் போட்டியிட விரும்பும் வேட்பாளர்கள் வேட்புமனு தாக்கல் செய்யும் போது கீழ்கண்ட விதிகளை கண்டிபாக கடைபிடிக்க வேண்டும். * வேட்பு மனு தாக்கல் செய்யும்போது விண்ணப்பம், டெபாசிட் கட்டணம் போன்றவற்றுடன் தங்களைப் பற்றிய விவரங்கள் அடங்கிய ஒரு பிரமாண பத்திரத்தையும் தாக்கல் செய்ய வேண்டும்.

*  திருமண மண்டபங்களில் முன் பதிவு விவரங்களை சம்பந்தப்பட்ட மண்டப உரிமையாளர்கள் அவ்வப்போது தாலுகா அலுவலகம் மற்றும் போலீஸ் நிலையங்களில் தெரிவிக்க வேண்டும். இதற்கான படி வங்கள் மண்டப உரிமை யாளர்களுக்கு வழங்கப்படும். * அரசியல் கட்சியினர் தேர்தல் நடத்தை விதிமுறையை மீறி காது குத்து, திருமண விழா என்ற பெயரில் முன்பதிவு செய்து திருமண மண்டபங்களை பயன்படுத்துவது தெரிய வந்தால் மண்டப உரிமையாளர்கள் உடனடியாக அருகில் உள்ள போலீஸ் நிலையம் மற்றும் தாலுகா அலுவலகத்தில் தகவல் தெரிவிக்க வேண்டும்.

* எந்த ஒரு அரசியல் கட்சியும் அல்லது வேட்பாளரும், சாதி, இனம், மதம், மொழி ஆகியவற்றுக்கு இடையே வெறுப்பையும் துவேசத்தையும் தூண்டும் செயலில் ஈடுபடக்கூடாது. * பிற கட்சிகளை பற்றி விமர்சிக்கும்போது அதன் முந்தைய செயல்பாடுகள், கொள்கைகள், திட்டங்கள், பணிகள் குறித்து மட்டுமே பேச வேண்டும். * பொது நடவடிக்கைக்கு தொடர்பில்லாத, தனிப்பட்ட வாழ்க்கை பற்றி பேசவோ கூடாது.

* சுய உதவிக்குழுக்கள் மற்றும் தன்னார்வ தொண்டு நிறுவனங்களை தீவிரமாக கண்காணிக்க வேண்டும். * அரசியல் கட்சிகளின் தேர்தல் பிரசாரம் மற்றும் இதர பணியில் சுய உதவிக்குழுக்கள், தொண்டு நிறுவனங்கள் ஈடுபடுத்தப்படுவதாக, புகார் வந்தால், தேர்தல் அதிகாரிகள் அதனை தீவிரமாக விசாரித்து உடனடியாக நடவடிக்கை எடுக்க வேண்டும். அதில் அஜாக்கிரதையாக இருந்து விடக் கூடாது. * மகளிர் சுய உதவிக்குழுக்கள் மூலம் வாக்காளர்களுக்கு பணம் கொடுக்க அரசியல் கட்சிகள் முயற்சி மேற்கொள்ளலாம். அதை முற்றிலும் தடுத்து நிறுத்த வேண்டும். இதற்காக மாவட்டத்தில் உள்ள சுய உதவிக்குழுக்கள் மற்றும் தொண்டு நிறுவனங்களை மாவட்ட தேர்தல் அதிகாரி தினமும் கண்காணித்து தேர்தல் கமிஷனுக்கு அறிக்கை தர வேண்டும்.

* ஒரு சட்டசபை தொகுதியில் போட்டியிடும் வேட்பாளர் ரூ.16 லட்சம் வரை செலவு செய்யலாம். * ஒவ்வொரு வேட்பாளரும் வங்கி கணக்கு தொடங்கி, அதன் மூலம் மட்டுமே செலவு செய்ய வேண்டும்.

* போலீஸ் அனுமதியுடன் நடத்தப்படும் பொதுக் கூட்டங்களில் ரகளை செய்யக்கூடாது. மீறிச் செய்தால் அது 6 மாத தண்டனை மற்றும் அபராதம் விதிக்கப்படும். * ஓட்டுப் பதிவுக்கு 24 மணி நேரத்திற்கு முன்பு தேர்தல் பிரசாரத்தை முடிக்க வேண்டும். மீறிபிரசாரம் செய்தால் 2 ஆண்டு வரை சிறைத் தண்டனை விதிக்கப்படும். * வேட்பாளருக்காக வேறு யாரும் செலவு செய்யக் கூடாது. அப்படிச் செய்தால் அதுசட்டப்படி குற்றமாகும். * கள்ள ஓட்டுப்போட்டால் 1 ஆண்டு கடுங்காவல் சிறைத் தண்டனை கிடைக்கும். * ஓட்டுப் போட வாக்காளர்களுக்கு பணம் கொடுப்பவர்களுக்கு 1 ஆண்டு சிறைத் தண்டனை கிடைக்கும்.  * வாக்காளர்களை வாகனங்களில் ஓட்டுச் சாவடிக்குஅழைத்துச் செல்பவர்களுக்கு 3 மாத கடுங்காவல் தண்டனை அல்லது அபராதம் விதிக்கப்படும். * ஓட்டுச் சாவடி ஊழியரோ அல்லது காவலில் நிற்கும் போலீஸாரோ குறிப்பிட்ட வேட்பாளருக்கு ஆதரவாக பேசினாலோ அல்லது ஓட்டுப் போடும்படி தூண்டினாலோ 6 மாத கடுங்காவல் தண்டனை அல்லது அபராதம் அல்லது இரண்டுமோ சேர்த்து விதிககப்படும். * வாக்குச் சாவடி தலைமை அதிகாரிக்குக் கீழ்படிய மறுத்து கலாட்டா, ரகளைசெய்பவர்களுக்கு 3 மாத கடுங்காவ...

போட்டியிடும் வேட்பாளர்கள் எவரையும் பிடிக்காமல், யாருக்கும் வாக்களிக்க விரும்பவில்லை எனில், அதையும் பதிவு செய்யும் வசதிதான் 49 ஓ. மின்னணு வாக்குப் பதிவு இயந்திரத்தில் இதற்கென ஒரு பட்டனை உருவாக்க வேண்டும் என்ற கோரிக்கை தேர்தலுக்கு தேர்தல் கோரிக்கையாகவே இருந்து வருகிறது. இதுகுறித்த வழக்குகள் நீதிமன்றங்களில் நிலுவையில் உள்ளன.